RUTAS DE SENDEIRISMO
Ruta Sur, Ruta Norte, Ruta do Faro da Illa de Ons e Ruta do Castelo
» Ruta Sur
O roteiro comeza na caseta de información de Ons, que está xusto ao final do peirao. Desde alí sobe por unha forte e curta pendente inicial e atravesa O Curro, o núcleo máis importante de poboación.
No seu primeiro tramo, paralelo ás praias da costa sueste: tras a primeira delas, Area dos Cans, pódese divisar, o grupo de rochas onde se atopa O Laxe do Crego, sartego antropomorfo datado no medievo e desde entón obxecto de múltiples lendas. Un pouco máis aló, aparece a Praia de Canexol e o seu fráxil complexo dunar, actualmente en proceso de recuperación. Fronte a ela, alén do camiño, a antiga casa reitoral cos seus tradicionais hórreos, a escola, o próximo cemiterio e a igrexa vella son parte da historia do home nas illas. As vivendas que se atopan no camiño, algunhas delas aínda hoxe habitadas, formaban os barrios de Canexol e Pereiró.
O camiño conduciranos, nuns 45 minutos desde o inicio do roteiro, ao fermoso miradoiro de Fedorentos , desde onde nos ofrece as mellores vistas ao próximo illote de Onza e á entrada da Ría de Pontevedra, véndose ao fondo o maxestoso arquipélago das Cíes. Volvendo un pouco atrás cara ao oeste, está o Buraco do Inferno, onde os continuos embates do océano construíron esta curiosa formación xeolóxica, un buraco de máis de 30 metros que se comunica co mar, producindo un son rouco inesquecible, entre os verticais cantís que compoñen esta zona da illa. Desde aquí seguimos bordeando a costa occidental ata alcanzar a Enseada de Caniveliñas.
LONXITUDE:
DURACIÓN:
DIFICULTADE:
TIPO:
» Ruta Norte
LONXITUDE:
DURACIÓN:
DIFICULTADE:
TIPO:
» Ruta do Faro
LONXITUDE:
DURACIÓN:
DIFICULTADE:
TIPO:
O primeiro punto de interese deste roteiro, é a Praia de As Dornas, un pequeno areal que recibe o seu nome das antigas embarcacións usadas polos insulares, as dornas. Este tipo de embarcacións, herdanza das primitivas naves normandas que no S.X invadiron estas costas e que foron adaptadas polos insulares ás condicións e tipo de pesca da zona, podían verse en gran número neste ancoradoiro natural. Hoxe en día, tan só algunhas delas, practicamente en desuso, descansan na area. Subindo as escaleiras xunto á fonte, entre árbores, atópase unha pequena zona de descanso equipada con mesas de madeira que deixaremos á nosa esquerda para tomar o carreiro, que discorre bordeando suavemente a costa cara ao norte. Se miramos cara atrás, aparece o peirao de Ons e tras el, a costa sur da Ría de Pontevedra. O mar, á nosa dereita, modela incansable o perfil da costa, traballo que mostran as rocas durante a baixamar.
Cruzamos unha pequena valgada na que o arboredo autóctono de ribeira, como os salgueiros, indícannos a presenza de auga doce, que nestas illas, a diferenza de Cíes, é abundante. Un pouco máis adiante, mirando cara á esquerda á altura dun pequeno claro, veremos asomarse a lanterna do Faro de Ons, a 128 metros sobre o nivel do mar. O camiño, que agora serpentea entre un corredor de espiños, abruñeiro, xaras, toxos e fentos sobre unha abrandada alfombra de trevos e silenes, levaranos ata o miradoiro do Castelo (15 minutos desde o peirao), antiga fortificación de carácter defensivo, hoxe en día en ruínas, e que atoparemos á dereita do claro no que desemboca o carreiro.
Esta magnífica atalaia ofrécenos unhas fermosas vistas de toda a costa oriental da Illa de Ons e da Ría de Pontevedra. Cara ao Norte, en primeiro plano, vemos a Praia de Melide, o areal máis fermoso e emblemático da Illa de Ons. Ao Sur, o peirao, Curro, a praia de Canexol, a pequena Isla de Onza e ao fondo, case sempre entre brumas, o arquipélago de Cíes.
Seguindo a liña de costa, destaca o recortado perfil de Costa da Vela, a pequena Ría de Aldán, Bueu, o interior da Ría de Pontevedra e cara ao Norte, a espectacular praia da Lanzada.
» Ruta do Castelo
LONXITUDE:
DURACIÓN:
DIFICULTADE:
TIPO:
NON ESPERES MÁIS…
RESERVA AGORA O TEU BILLETE
O billete para o destino dos teus soños
AVISO IMPORTANTE
SE VAS VIAXAR ÁS ILLAS CÍES OU Á ILLA DE ONS EN SEMANA SANTA E A PARTIR DO 15 DE MAIO (EXCEPTO CAMPISTAS), antes da compra do billete, debes obter a autorización solicitada pola Xunta de Galicia, na que che facilitarán o código pre-reserva (necesario para adquirir o billete do barco).
TAMÉN PODES DESFRUTAR DE...