QUE FACER EN
CANGAS E VIGO

Este roteiro comeza na Alameda, onde se atopa a escultura de Don José Félix Soage, realizada polo gran mestre Francisco Asorey, en 1914. Moi preto dela, eríxese a escultura de Xoán Piñeiro ‘A Volta do Mar’, unha homenaxe a esas xentes que, día a día, saen en busca do prezado peixe e marisco desta rica costa.

Unha das curiosidades de Cangas é ‘O Reloxo’, antigo equipo de predición meteorolóxica construído a principios de século, que é consultado polos pescadores antes de iniciar as súas travesías no mar. Desde a Alameda, o roteiro continúa ata a Praza do Arco, antiga porta de entrada á vila. Desde alí, un paseo polas rúas Antonio Garelly e as súas casas de patín transportarante á Idade Media, a través destas vivendas mariñeiras típicas das Rías Baixas.

A continuación, a Rúa Real, coas súas casas blasonadas combinadas con bonitos edificios de finais do S. XIX que locen as súas brancas galerías e os seus escudos de armas, móstranos o monumento máis importante da vila: a ex colexiata de Santiago de Cangas.

A Igrexa de Cangas foi construída no século XVI e elevada ao rango de Colexiata no ano 1542. Desde o punto de vista arquitectónico, este templo combina elementos góticos con renacentistas. Da etapa do gótico tardío é a súa planta basilical de tres naves cubertas de bóvedas de estrela, así como os contrafortes e pináculos do exterior.

A finais do século XVI, o escultor Mateo López levanta a fachada de estilo plateresco, unha das máis belas de Galicia. Nela, distínguense dous corpos onde están representados os catro evanxelistas. Sobre eles, un frontón triangular no que se atopa a figura do Cristo.

No interior do templo destaca o retablo da capela maior, onde se alza unha imaxe do Cristo do Consolo do mestre Juan Pintos e unha cruz de prata de gran valor artístico.

Desde aquí, e a través da Rúa do Hío, chegarás ao Barrio Eirado do Costal, núcleo primario a partir do cal creceu a vila.

Se sobes pola Rúa de Síngulis, onde se atopa un gastado escudo da Inquisición, chegarás á Praza do mesmo nome, na que loce un fermoso cruceiro barroco.

A última etapa deste roteiro por Cangas do Morrazo é o Barrio do Sinal, pequeno burgo marítimo onde se poden visitar fermosos xardíns e a Capela do Hospital, construída no século XVIII e actualmente restaurada.

Desde alí, comeza un paseo marítimo que chega ata a Praia de Rodeira, o principal areal da localidade.

O percorrido parte desde o porto de Cangas e conduce directamente ao complexo Massó, un conxunto de edificios que actualmente atopánse en ruínas e que marcou unha importante evolución económica e empresarial para a poboación de Cangas. A continuación, atópase un pequeno bosque que nos conduce ás ruínas da antiga baleeira.

Deixando atrás as edificacións da baleeira, poderás admirar a pequena Lagoa da Corgonza, lugar de gran beleza paisaxística que salvagarda unha gran diversidade de especies.

O roteiro continúa ata as Furnas e segue por unha zona de espectaculares cantís con vistas ás Illas Cíes e xacementos arqueolóxicos de recente descubrimento, ata a zona das praias de Liméns, Nerga, Viñó e Barra.

O carreiro transcorre por unha leve subida na cal atopánse os restos dunha antiga fábrica de salgadura, ata chegar a Cabo Home, lugar no que se achan os faros de Sobrido, Rodeira e Cabo Home, testemuñas de naufraxios, aventuras, e grandes acontecementos históricos acaecidos nese lugar.

Cabo Home é unha zona de costa, aberta ao Océano Atlántico, que está protexida polas Cíes e conta cun importante complexo de dunas. É un espazo natural protexido, dentro da Rede Natura 2000, xunto con Cabo Udra e O Facho.

A continuación, atópase outro dos recunchos escondidos de Cangas do Morrazo, a Lagoa de Massó, un lago natural que alberga unha gran variedade de aves e que se converteu nunha marabillosa área de descanso.

A Lagoa de Massó é unha zona única no Morrazo, xa que practicamente non existen hábitats semellantes na comarca. Aquí viven ata sete especies de patos, entre os que se atopa o ánade, que cría e reside todo o ano. Tamén cría a galiña de auga e, no inverno, aparece a focha común. Nas árbores que bordean a lagoa repousan e dormen a garza branca, a garza cincenta e o martín pescador.

A última parte da ruta é a máis bonita e menos coñecida e transcorre por un camiño en dirección cara á Praia de Liméns.

Esta senda tamén pasa polas Furnas, que son orificios creados polo mar que escava desde abaixo e que chegan ata o alto do camiño.

O roteiro finaliza visitando a Praia de Areamilla, que está nunha pequena enseada e que conta con Bandeira Azul; e a Praia de Liméns, unha praia moi popular que está na Enseada de Liméns e que tamén conta con Bandeira Azul e con gran cantidade de servizos.

Ao longo deste roteiro entrarás en contacto con belas e variadas especies naturais, e resulta unha actividade de esparexemento ideal para ir con nenos, xa que non ten costas e é un roteiro sinxelo.

Trátase  dunha actividade que todo o mundo pode practicar, desde os 16 anos ata os 60. O seu manexo é moi fácil e intuitivo. En tan só 5 minutos practicando FlyBoard estarás a voar e vivindo unha experiencia única, rodeado dunha paisaxe dunha beleza incomparable.

No Centro de Interpretación O Cambón tamén se levan a cabo proxectos de investigación centrados no Parque Nacional, para poñelo en valor e preservar os seus espazos naturais.

O percorrido complétase cunha visita ao acuario do Museo, onde se poden observar os principais ecosistemas existentes entre o propio peirao do Museo e a costa acantilada das Illas Cíes.

No ano 1617, tiveron lugar os feitos máis dramáticos que viviu Cangas ao longo da súa historia. Un 4 de decembro, once buques corsarios turco- berberiscos fondeaban nas Illas Cíes co propósito de causar a maior desfeita posible nas posesións da Coroa Española.

Os piratas trataron de apoderarse de Vigo antes de dirixir as súas proas contra Cangas, que entón era unha humilde vila de pescadores, totalmente desprotexida, que non dispoñía de recinto fortificado, nin tampouco de artillería. A primeiras horas da mañá, ao redor de 1.000 homes desembarcaron na Praia de Rodeira e en Punta Balea, diante das aterradas xentes da vila. Ás mermadas tropas uníronse numerosos veciños mal armados, protagonizando unha loita desesperada, en abafadora inferioridade numérica.

Ás poucas horas, os que conseguiron fuxir aos montes próximos puideron contemplar un espectáculo espantoso: a vila ardía polos catro custados e ducias de cadáveres sementaban as rúas. Os turcos dedicáronse a saquear os arredores durante tres días e con eles levaron un gran botín, pero tamén a decenas de persoas cara o cativerio de Alxeria.

O pobo de Cangas tardou moito tempo en recuperarse daquel desastre.

María Soliña, a inquisición en Cangas

Entre os anos 1619 e 1628 numerosas mulleres de Cangas foron xulgadas pola Inquisición por suposta “bruxería”. Hoxe en día sabemos que aquelas desgraciadas foron en realidade vítimas dunha invención dos inquisidores. A caza de “bruxas” estivo directamente provocada polo empobrecemento xeral que seguiu á invasión turca do ano 1617. De entre todas estas mulleres destaca María Soliño, protagonista de varias cantigas.

Batalla de Rande

No ano 1702, as costas de Cangas foron escenario dun dos máis cruentos combates navais que lembra a Historia de Europa. Por aquel entón estaba en xogo a sucesión á Coroa Española e a posibilidade de que Felipe de Anjou, neto do Rey Sol, accedese ao trono español, provocou a enérxica reacción das demais potencias, medorentas de ver unidos ambos os poderes.

O 11 de xuño de 1702 partían da Habana, rumbo a Cádiz, 19 galeóns españois, escoltados por 22 buques franceses, que transportaban os maiores tesouros que xamais cruzaran o Atlántico.

Aínda que un pouco afastada do lugar da batalla, Cangas foi testemuña da importante Batalla de Rande, onde unha escuadra composta por barcos ingleses e holandeses enfrontouse á escuadra franco española que custodiaba o cargamento máis valioso que se trouxo das terras de América.

Alí atópase a Ermida de San Roque, lugar onde se celebra unha romaría popular a terceira semana de Agosto. Tamén hai un miradoiro, coñecido como o Balcón do Rei, desde onde se poden contemplar unhas vistas espectaculares de Cangas e da Ría de Vigo.

Percorrendo o carreiro que vai desde O Facho a Cabo Home atópase o Piñeiral de Soavela, un bosque poboado de piñeiros, na ladeira dos cantís de Soavela (ou Costa da Vela). Trátase dun Espazo Natural Protexido xa que constitúe un importante ecosistema de dunas que se estende ata a Praia de Barra.

O Castro é un xacemento arqueolóxico de 1.800 metros cadrados que inclúe a reconstrución de 3 edificacións castrexas dun dos poboados máis extensos e evolucionados de Galicia. Esta pequena parte do oppidum de Vigo mostra como vivían os habitantes dos castros hai 2.000 anos.

O Monte O Cepudo, situado en Valladares, é un dos puntos máis altos de todo o Concello de Vigo, sendo 20 m máis alto que o seu monte xemelgo, o Monte Alba.

No Mone Alba atópase unha capela do mesmo nome situada sobre os restos dunha antiga fortaleza. Diseminadas pola zona, neste monte poderemos atopar diversas esculturas de pedra que forman parte deste monte desde o ano 1999.

Destaca a súa personalidade propia, a vistosidade das súas procesións, a arte dos seus pasos e o seu gran atractivo cultural. A Semana Santa de Cangas é a manifestación dunha tradición dunha vila mariñeira que ao longo da súa historia se foi enriquecendo.

Todas elas contan con varios centos de anos de antigüidade, pero a súa orixe é, seguramente, moito máis remota. Unha das súas particularidades é que os bailaríns, locen traxes de enorme vistosidade.

Dado que só se celebra puntualmente ao longo do ano, se tes a posibilidade de visitar este lugar nas datas sinaladas, quedarás profundamente impresionado cun espectáculo único e exclusivo.

Cada 23 de xuño, con motivo da chegada do verán, celébrase a noite máis curta do ano. É unha noite máxica chea de fogueiras, bailes, música, conxuros, queimada e sardiñas. Suponse que o feito de saltar nove veces unha fogueira esa noite traerá protección e boa sorte.

Esta festividade de San Xoán celébrase en diferentes zonas de Vigo como Navia, Balaídos, Beade, Valladares, Berbés, Coia, Castrelos, Saiáns, San Andrés de Comesaña, Alcabre, Cabral, Coruxo ou Samil.

A comida típica dese serán son os cachelos (patacas asadas coa súa pel) e as sardiñas asadas. A bebida típica é a “Queimada”, poción máxica de augardente con froitas e moito azucre, que se queima nunha marmita mentres se recita un esconxuro. Outras sobremesas típicas son as “filloas”, as “ orellas de frade”, e as “chulas”.

En Mar de Ons organizamos unha festa a bordo do noso barco insignia, o Mar Vigo, para desfrutar dunha velada inigualable, na que poderás cear mentres admiras a espectacularidade dos fogos artificiais.