PASEO EN BARCO
Navega por un mar de historia
» Navega por un mar de historia
Esta é unha experiencia única, que perdurará na mente dos viaxeiros durante moito tempo, pois Mar de Ons ofrece a posibilidade de navegar por encima de galeóns e tesouros afundidos, resultado de invasións piratas ou de batallas navais, á vez que descobren lugares de especial interese turístico como os pobos mariñeiros da península do Morrazo (Cangas, Moaña ou Domaio), a Ponte de Rande, o Museo Meirande ou o Peirao Walner.
Teredes a oportunidade de coñecer a historia da Ría de Vigo e as súas lendas, acompañados por un guía especializado, mentres o barco fai unha panorámica da Ría, que ofrece unhas vistas marabillosas das diferentes paisaxes que vemos durante a travesía.
Francis Drake, famoso pirata no Caribe, corsario nas costas atlánticas europeas e Almirante nomeado pola reina Isabel de Inglaterra, tivo unha relación ancorada na historia da Ría de Vigo a finais do século XVI. Ata en catro ocasións intentou apoderarse das poboacións costeiras, sendo a última a máis dramática de todas elas.
A Batalla Naval de Rande foi librada no interior na Ría de Vigo, a principios do século XVIII, no contexto da Guerra de Sucesión Española. Os galeóns españois, cargados de tesouros procedentes do Novo Mundo e protexidos polos navíos franceses, refuxiáronse na enseada de San Simón, ata que os anglo-holandeses descubriron o escondedoiro do prezado cargamento.
A maior batalla de todos os tempos, a Segunda Guerra Mundial, disputouse moi lonxe da Ría de Vigo, pero non por iso pasou inadvertida. Ao longo das últimas décadas, historiadores, escritores, periodistas e investigadores de toda clase dedicaron miles de páxinas a tratar a presenza nazi nas súas costas. As simpatías do réxime franquista co levantamento alemán e o enclave xeográfico con fines militares propiciaron que, durante os cinco anos que durou a contenda, a Ría de Vigo se convertera en protagonista da mellor película de espías.
NON ESPERES MÁIS…
RESERVA AGORA O TEU BILLETE
O billete para o destino dos teus soños
AVISO IMPORTANTE
SE VAS VIAXAR ÁS ILLAS CÍES OU Á ILLA DE ONS EN SEMANA SANTA E A PARTIR DO 15 DE MAIO (EXCEPTO CAMPISTAS), antes da compra do billete, debes obter a autorización solicitada pola Xunta de Galicia, na que che facilitarán o código pre-reserva (necesario para adquirir o billete do barco).
TAMÉN PODES DESFRUTAR DE...