Praias na ría de VIgo – Cangas

Praia de Rodeira – Cangas

Situada en pleno centro de Cangas, a Praia de Rodeira é o principal areal desta localidade. O longo paseo marítimo bordea a praia e permite desfrutar dunha agradable andaina a pé ao longo do areal, unha das máis fermosas praias do tramo costeiro do Morrazo, con espléndidas vistas panorámicas da Ría de Vigo.

Praia de Liméns – Cangas

A praia de Liméns está na Enseada de Liméns, na Ría de Vigo. Dende ela se pode divisar, ao outro lado da ría, a praia de Samil. Este areal ten un complexo de dunas onde fóra da tempada estival se forma unha pequena lagoa que congrega numerosas aves como gaivotas, corvos mariños,…

Praia de Nerga – Cangas

A famosa Praia de Nerga está dentro do Espazo Natural Cabo Home. A praia é de fina area branca e ten 700 m de lonxitude. No ano 2011 obtivo a Bandeira Azul.

Praia de Barra – Cangas

A Praia de Barra é un dos lugares máis cativadores da comarca do Morrazo. A calidade das súas augas e os seus 750 metros de fina area branca convertérona no paraíso do nudismo nas Rías Baixas e na mellor praia nudista de Galicia.
A Praia de Barra é un dos lugares máis cativadores da comarca do Morrazo. A calidade das súas augas e os seus 750 metros de fina area branca convertérona no paraíso do nudismo nas Rías Baixas e na mellor praia nudista de Galicia.

Praia de Melide – Cangas

A praia de Melide é unha das praias en estado máis salvaxe de Cangas. Está entre Punta Fuxiño e Punta Robaleira, xunto a Cabo Home. Cunha lonxitude de 250 metros e unha anchura media de 40 metros de area branca e fina, ofrece excepcionais condicións para a práctica de surf.

Praia de Area Brava – Cangas

A praia de Area Brava é a praia máis ampla da Ría de Aldán e constitúe un enclave importante para avistar a flora e fauna. É unha praia virxe, con campos de dunas, augas transparentes e area branca e fina.

Praia de Area Cova – Cangas

A praia de Area Cova é un idílico areal, distinguido con Bandeira Azul, situado entre Punta Sartaxéns e Punta Pedra Rubia, na Ría de Aldán. Conta con 250 metros de lonxitude, augas tranquilas e fina area. Ademais, dispón de servicio de restauración e cámping e ofrece unhas agradables vistas doutro lado da ría.

Praia de Menduiña – Cangas

Enmarcada na Ría de Aldán, a praia de Menduíña ten a bandeira azul e está rodeada de rochas con curiosas formas debido á erosión e sedimentación que sufriu esta zona ao longo do tempo. Dispón de servizo de socorristas, posto de Protección Civil, auga potable, duchas, quioscos, restaurantes e bibliopraias.

Praia de Samil – Vigo

Situada ás aforas de Vigo, a Praia de Samil é o principal areal desta localidade. Distinguida con Bandeira Azul, esta praia conta con piscinas para nenos, merendeiros, paseos, parques de recreo, un circuíto de automodelaxe, pista de tenis, pista de patinaxe e todo tipo de servizos.

Samil é, sen dúbida, unha das praias urbanas mellor equipada de toda Europa. É recomendable ir fóra de tempada, xa que en verán adoita estar demasiado chea, ao ser elixida por numerosos visitantes para pasar a fin de semana.

Ler máis Ler menos

Praia do Vao – Vigo

É o segundo areal máis importante da cidade de Vigo. Nesta praia podes ver ondear a Bandeira Azul e desfrutar das súas augas cristalinas con poucas vagas, area branca e fina e excelentes instalacións.


Ao final da praia está a finca de Mirambel, un parque onde unha escavación arqueolóxica deixou ao descuberto unha antiga vila romana. Trátase dunha praia ideal para a práctica de deportes acuáticos como o Windsurf.

Ler máis Ler menos