Aloxamento nas Illas Cíes – Camping

Zona de Acampada

O Cámping Illas Cíes ofrece aos visitantes unha ampla variedade de servizos que farán da súa estancia unha experiencia inesquecible. Os campistas poden elixir entre levar a súa propia tenda de campaña ou alúgala previamente na páxina web do cámping. O número de tendas é limitado polo que é conveniente reservar con antelación. O campista debe levar a súa propia lanterna, xa que as parcelas non dispoñen de luz nin tomas de corrente.

Antes de reservar o aluguer das tendas, cómpre consultar a súa dispoñibilidade a través do formulario de reservas dispoñible en www.campingillascies.com. O aluguer de tendas é para un mínimo de dúas noites.

Ler máis Ler menos

Restaurante, Cafetaría e Supermercado

O Cámping Cíes ten un restaurante que dispón dun amplo comedor e terrazas con vistas ao Lago e a praia de Rodas. Neste espazo hai servizos de restaurante á carta, autoservicio e almorzos.

Así mesmo, o cámping dispón dun pequeno supermercado onde adquirir alimentos básicos e bebidas (pan, bolos, leite, froita fresca, iogures, embutido, conservas, refrescos e auga). O seu horario de apertura é dende as 10:00 ata as 21:00 horas.

Ler máis Ler menos

Punto de recarga de baterías móviles – WiFi

A estancia no Cámping Cíes permitirá aos campistas desfrutar da natureza en estado puro, con todas as comodidades. As súas instalacións dispoñen de conexión WIFI e contan cun punto de recarga de baterías de dispositivos móbiles por enerxía solar.

O cámping dispón dunha rede WIFI con acceso ilimitado, por un coste de 2 euros. Este servizo contrátase na recepción do cámping durante o seu horario de apertura dende as 9:30 ata as 21:30 horas. O punto de recarga de baterías por enerxía solar está xusto en fronte da recepción. Poderán utilizar tamén os enchufes do bar sen custo.

Ler máis Ler menos

Outros servizos

O cámping conta con servizos hixiénicos que dispoñen de duchas de auga quente, enchufes, cambiadores adaptados para bebés e para persoas con mobilidade reducida. Así mesmo, existe un servizo de vixilancia por si se presentara algunha situación especial ou de emerxencia.

As duchas son un servizo gratuíto e se lles entregará unha ficha ao chegar á recepción para poder usalas.

Outros servizos a disposición de quen se aloxe no cámping son lavadora e lavadoiros para a roupa e vertedoiros para a louza, así como os puntos limpos onde depositar o lixo. Ademais, o cámping ten dous vixilantes que se encargan de atender algunha continxencia e prestar especial atención a que se respecte o horario de silencio (00:00 a 08:00 horas).

 

Ler máis Ler menos

Reservas

É moi importante que as persoas interesadas en acampar na illa realicen de forma conxunta a reserva de barco e de acampada con antelación, xa que as prazas son limitadas. Para pasar a noite nas Illas Cíes, hai que tramitar a reserva do cámping por Internet en  www.campingillascies.com e a reserva de barco en www.mardeons.com

Coa reserva do cámping enviaráselle ao correo electrónico o permiso de Parques Nacionais, co que poderá realizar a reserva do barco, polo que non é necesario que o realice.

A propia reserva é a tarxeta de acampada.

Ler máis Ler menos

Elixe o teu destino