VIGO – CANGAS

RUTAS DE SENDEIRISMO

Ruta Casco Histórico – Cangas, Ruta de Congorza – Cangas, Ruta de Cabo Home – Cangas, Ruta Costeira das Furnas – Cangas, Ruta Costeira Areamilla e Liméns – Cangas, Vigo en 60 minutos, Ruta Monte do Castro – Vigo, Ruta Casco Antigo – Vigo, Senda Panorámica de Vigo, Senda Azul – Vigo e Ruta da Auga – Vigo

» Ruta Casco Histórico – Cangas

A través desta ruta o visitante descubrirá o patrimonio histórico-artístico de Cangas do Morrazo, descubrindo as rúas do seu casco antigo coas súas casas de patín, tan típicas das Rías Baixas, e as súas prazas de gran encanto.

Este roteiro comeza na Alameda, onde se atopa a escultura de Don José Félix Soage, realizada polo gran mestre Francisco Asorey, en 1914. Moi preto dela, eríxese a escultura de Xoán Piñeiro ‘A Volta do Mar’, unha homenaxe a esas xentes que, día a día, saen en busca do prezado peixe e marisco desta rica costa.

Unha das curiosidades de Cangas é ‘O Reloxo’, antigo equipo de predición meteorolóxica construído a principios de século, que é consultado polos pescadores antes de iniciar as súas travesías no mar. Desde a Alameda, o roteiro continúa ata a Praza do Arco, antiga porta de entrada á vila. Desde alí, un paseo polas rúas Antonio Garelly e as súas casas de patín transportarante á Idade Media, a través destas vivendas mariñeiras típicas das Rías Baixas.

A continuación, a Rúa Real, coas súas casas blasonadas combinadas con bonitos edificios de finais do S. XIX que locen as súas brancas galerías e os seus escudos de armas, móstranos o monumento máis importante da vila: a ex colexiata de Santiago de Cangas.

A Igrexa de Cangas foi construída no século XVI e elevada ao rango de Colexiata no ano 1542. Desde o punto de vista arquitectónico, este templo combina elementos góticos con renacentistas. Da etapa do gótico tardío é a súa planta basilical de tres naves cubertas de bóvedas de estrela, así como os contrafortes e pináculos do exterior.

A finais do século XVI, o escultor Mateo López levanta a fachada de estilo plateresco, unha das máis belas de Galicia. Nela, distínguense dous corpos onde están representados os catro evanxelistas. Sobre eles, un frontón triangular no que se atopa a figura do Cristo.

No interior do templo destaca o retablo da capela maior, onde se alza unha imaxe do Cristo do Consolo do mestre Juan Pintos e unha cruz de prata de gran valor artístico.

Desde aquí, e a través da Rúa do Hío, chegarás ao Barrio Eirado do Costal, núcleo primario a partir do cal creceu a vila.

Se sobes pola Rúa de Síngulis, onde se atopa un gastado escudo da Inquisición, chegarás á Praza do mesmo nome, na que loce un fermoso cruceiro barroco.

A última etapa deste roteiro por Cangas do Morrazo é o Barrio do Sinal, pequeno burgo marítimo onde se poden visitar fermosos xardíns e a Capela do Hospital, construída no século XVIII e actualmente restaurada.

Desde alí, comeza un paseo marítimo que chega ata a Praia de Rodeira, o principal areal da localidade.

 

LONXITUDE:

2,5km (ida e volta)

DURACIÓN:

1h 30min (ida e volta)

DIFICULTADE:

Baixa

TIPO:

ida e volta
Na ruta de Congorza, historia e cultura mestúranse coa natureza e impresionantes paisaxes. Trátase dunha ruta recomendada para ir con nenos, pois finaliza no Lago da Congorza ou Lagoa Massó, tamén coñecida como a “Lagoa dos Patos”, un lugar de gran riqueza natural e zona ideal para desfrutar de momentos únicos de esparexemento.
O roteiro parte do porto deportivo de Cangas, que se atopa na costa norte da Ría de Vigo, entre o Cabo Balea e Punta Rodeira, en pleno centro da vila, á beira da oficina de turismo e onde se atopa o peirao de pasaxeiros desde o cal Navieira Mar de Ons realiza viaxes regulares a Vigo todos os días do ano. Saíndo desde este lugar, o roteiro diríxese ao norte bordeando a costa do Morrazo.
 
A senda continúa polo paseo marítimo, ata pasar o porto pesqueiro e o porto deportivo. Por este camiño chegarás á Factoría Massó, antiga fábrica conserveira e unha das máis innovadoras da época dos anos 50. A pesar de atoparse en ruínas, aínda se poden distinguir as antigas ramplas baleeiras e as instalacións que tiñan para os seus obreiros: garderías, zonas de comedor e duchas.
 
A continuación, pasando por Punta Balea, chegarás ao Lago da Congorza ou Lagoa Massó, tamén coñecida como a “Lagoa dos Patos”, un lugar de gran riqueza natural e zona ideal para gozar de momentos únicos de esparexemento.
 

» Ruta de Congorza – Cangas

LONXITUDE:

2km (ida e volta)

DURACIÓN:

1h (ida e volta)

DIFICULTADE:

Baixa

TIPO:

ida e volta

» Ruta Cabo Home – Cangas

Trátase dunha das rutas costeiras máis fermosas e marabillosas que existen en toda Galicia. Comunica Cangas do Morrazo con Cabo Home, o punto máis occidental da península do Morrazo. Todo este tramo de costa está protexido baixo a figura do Espazo Natural Protexido da Costa da Vela, un dos poucos lugares virxes que aínda quedan na costa de Pontevedra.
Este roteiro transcorre rodeando a Costa do Morrazo e finaliza no Espazo Natural de Cabo Home, zona de gran interese natural e paisaxístico, desde onde se pode contemplar unha das máis belas postas de sol.

O percorrido parte desde o porto de Cangas e conduce directamente ao complexo Massó, un conxunto de edificios que actualmente atopánse en ruínas e que marcou unha importante evolución económica e empresarial para a poboación de Cangas. A continuación, atópase un pequeno bosque que nos conduce ás ruínas da antiga baleeira.

Deixando atrás as edificacións da baleeira, poderás admirar a pequena Lagoa da Corgonza, lugar de gran beleza paisaxística que salvagarda unha gran diversidade de especies.

O roteiro continúa ata as Furnas e segue por unha zona de espectaculares cantís con vistas ás Illas Cíes e xacementos arqueolóxicos de recente descubrimento, ata a zona das praias de Liméns, Nerga, Viñó e Barra.

O carreiro transcorre por unha leve subida na cal atopánse os restos dunha antiga fábrica de salgadura, ata chegar a Cabo Home, lugar no que se achan os faros de Sobrido, Rodeira e Cabo Home, testemuñas de naufraxios, aventuras, e grandes acontecementos históricos acaecidos nese lugar.

Cabo Home é unha zona de costa, aberta ao Océano Atlántico, que está protexida polas Cíes e conta cun importante complexo de dunas. É un espazo natural protexido, dentro da Rede Natura 2000, xunto con Cabo Udra e O Facho.

LONXITUDE:

24km (só ida)

DURACIÓN:

7h (só ida)

DIFICULTADE:

Media

TIPO:

Só ida
Bonita senda que transcorre polo litoral da Ría de Cangas e que permite desconectar do rebulicio do centro do municipio ao tempo que se desfruta dunha paisaxe única e incomparable.
O percorrido parte do porto de Cangas e transcorre pola antiga conserveira Massó e pola baleeira, edificacións crave na evolución económica de Cangas e que deixaron pegada na súa historia.

A ruta continúa a través dun túnel que conduce ata unha zona de cantís, de máis de 150 metros sobre o mar, con formacións rochosas particulares chamadas “ furnas”, unhas covas creadas pola erosión do mar sobre a costa.

A ruta termina neste punto, desde onde hai unhas vistas impresionantes cara ao mar.

» Ruta Costeira das Furnas – Cangas

LONXITUDE:

3,7km (ida e volta)

DURACIÓN:

2h (ida e volta)

DIFICULTADE:

Baixa

TIPO:

ida e volta

» Ruta Costeira Areamilla e Liméns – Cangas

A Senda Costeira de Areamilla e Liméns é un fantástico roteiro de sendeirismo que percorre as paisaxes costeiras do Morrazo. Trátase dun roteiro que empeza no porto de Cangas e diríxese cara ao norte bordeando a costa e ofrecendo unhas impresionantes do Océano Atlántico.

Os primeiros puntos de interese deste roteiro son a antiga conserveira Massó e a Baleeira, auténticas testemuñas da evolución histórica e económica deste pobo tan ligado ao mar.

A continuación, atópase outro dos recunchos escondidos de Cangas do Morrazo, a Lagoa de Massó, un lago natural que alberga unha gran variedade de aves e que se converteu nunha marabillosa área de descanso.

A Lagoa de Massó é unha zona única no Morrazo, xa que practicamente non existen hábitats semellantes na comarca. Aquí viven ata sete especies de patos, entre os que se atopa o ánade, que cría e reside todo o ano. Tamén cría a galiña de auga e, no inverno, aparece a focha común. Nas árbores que bordean a lagoa repousan e dormen a garza branca, a garza cincenta e o martín pescador.

A última parte da ruta é a máis bonita e menos coñecida e transcorre por un camiño en dirección cara á Praia de Liméns.

Esta senda tamén pasa polas Furnas, que son orificios creados polo mar que escava desde abaixo e que chegan ata o alto do camiño.

O roteiro finaliza visitando a Praia de Areamilla, que está nunha pequena enseada e que conta con Bandeira Azul; e a Praia de Liméns, unha praia moi popular que está na Enseada de Liméns e que tamén conta con Bandeira Azul e con gran cantidade de servizos.

LONXITUDE:

2km (ida e volta)

DURACIÓN:

1h 15min (ida e volta)

DIFICULTADE:

Media

TIPO:

ida e volta
A pesar de ser a cidade máis grande de Galicia, é posible coñecer gran parte do seu pasado, presente e futuro, a través dunha ruta a pé dunha hora. Ademais de coñecer a arquitectura máis sorprendente da cidade, pasarás ante algún dos seus monumentos máis importantes como a Farola de Urzáiz ou O Sireno da Porta do Sol.
Esta ruta comeza nun dos puntos de encontro habituais dos vigueses, a Farola, deseñada por Jenaro de la Fuente, no ano 1932, e que se sitúa á beira do Museo de Arte Contemporánea, en pleno centro de Vigo, onde se unen duas das rúas de maior afluencia: Príncipe e Urzáiz.

Seguindo a ruta pola rúa do Principe ata o final, chegamos á Porta do Sol, así chamada porque era unha das sete entradas á antiga vila amurallada. Xusto aquí, atópase O Sireno, escultura do galego Francisco Leiro, que representa a unión dos vigueses co mar, a través dun híbrido entre home e peixe.

De fronte, cruzando a rúa, atópase a Praza da Princesa, onde se alza o Angelote, monumento que conmemora a Reconquista de Vigo, cando no ano 1809 expulsou ás tropas napoleónicas, converténdose na primeira cidade española en sublevarse contra o invasor.

Nesta zona áchase o barrio histórico, un lugar único con gran encanto, cheo de locais nos que poder degustar ricas e variadas tapas, regadas cun marabilloso viño da zona. Desde a Praza da Princesa, o roteiro continuo ata a Praza da Constitución, onde está o antigo concello, hoxe sede da Casa Galega da Cultura. Nesta praza pódense contemplar os soportais das edificacións do século XIX que ocupaban os artesáns para vender os seus produtos. Xusto aí atópase o primeiro farol de luz eléctrica que se acendeu na cidade.

A ruta continuo polo lado esquerdo da praza, onde se pasa pola Rúa dos Cesteiros e pola Praza de Almeida, onde se atopa a Casa de Ceta, a máis antiga da zona histórica e hoxe sede do Instituto Camôes da lingua portuguesa.

Á dereita desta praza está a Colexiata de Santa María, que alberga a imaxe do Cristo da Vitoria, ao que se atribúe popularmente o triunfo sobre as tropas francesas. Xusto debaixo está a Praza da Pedra, lugar onde termina o roteiro e onde se poden degustar as famosas ostras da ría.

» Vigo en 60 minutos

LONXITUDE:

2km (ida e volta)

DURACIÓN:

1h 15min (ida e volta)

DIFICULTADE:

Media

TIPO:

ida e volta

» Ruta Monte de O Castro – Vigo

A ruta que transcorre dende o Monte do Castro ofrece un dos paseos con mellores vistas de Vigo. O Castro é o maior parque do centro da cidade e é, xunto co Parque de Castrelos, o seu auténtico pulmón, a un paso das rúas comerciais e das principais zonas administrativas e residenciais.
O paseo comeza no punto máis alto do monte, xusto no centro da fortaleza que o coroa, unhas murallas do século XVII que hoxe son o mellor miradoiro de Vigo. Estas murallas acollen un xardín decorado con varias esculturas, como o monumento a Vigo de Camilo Nogueira ou a homenaxe ao poeta medieval Martín Codax.
 
Baixando polos camiños que bordean a fortificación de O Castro en dirección ao barrio histórico chégase a un miradoiro no que se atopa o Monumento aos Galeóns de Rande: tres ancoras e varios canóns achados no fondo da ría.
 
A ruta continúa cara á esquerda, onde se poden atopar os restos arqueolóxicos dos primeiros habitantes de Vigo: vivendas circulares de pedra dun poboado castrexo do século II antes de cristo, que dan nome ao monte.
 
Finalmente, volvendo un pouco cara atrás, descendendo en dirección ao centro histórico, atópase a torre do Concello. Xusto detrás del, están os restos da fortaleza de San Sebastián, a outra gran defensa da cidade, xunto coa fortificación de O Castro.
 

LONXITUDE:

2km (ida e volta)

DURACIÓN:

1h 15min (ida e volta)

DIFICULTADE:

Media

TIPO:

ida e volta

Esta ruta ten unha duración aproximada de 90 minutos que permite coñecer o Vigo máis esencial nun paseo curto e entretido. Nesta ruta visitarás o casco histórico e coñecerás os elementos que fan de Vigo a cidade máis moderna de Galicia. A ruta comeza no Peirao de Transatlánticos e vai ata o centro da cidade.
Esta ruta comeza cun paseo polos xardíns das Avenidas, a fronte marítima da cidade. Ao longo deste percorrido e do paralelo Parque da Alameda, na Praza de Compostela, pódense apreciar uns excelentes exemplos da arquitectura señorial do Vigo de finais do século XIX, cando a cidade comezou o seu maior desenvolvemento.

Subindo pola Rúa Colón chégase á Rúa de Policarpo Sanz, onde se achan os edificios máis significativos da milla de ouro da arquitectura viguesa, como o Teatro García Barbón ou as sedes de varios bancos.

Seguindo por esta rúa, o percorrido desemboca na Porta do Sol, onde se alza o Sireno, escultura metade home, metade peixe que simboliza a simbiose de Vigo co mar. Aquí empeza a peonil e comercial Rúa do Príncipe, en cuxo final se atopa o Museo de Arte Contemporánea.

Regresando á Porta do Sol, cruzamos cara ao barrio histórico pola Praza da Constitución, onde se atopa o antigo concello. Desa praza porticada parten varias rúas con tendas de artesanía e produtos gastronómicos típicos.

A ruta polas rúas do casco lanuxe cara ao mar, pasa pola Colexiata de Santa María, a principal igrexa da cidade e desemboca nunha pasarela aérea que atravesa cara ao Centro Comercial A Laxe, no Peirao de Transatlánticos, unha zona de gastronomía galega excelente na que destacan os produtos do mar e os viños con denominación de orixe Rías Baixas.

» Ruta Casco Antigo – Vigo

LONXITUDE:

2km (ida e volta)

DURACIÓN:

1h 15min (ida e volta)

DIFICULTADE:

Media

TIPO:

ida e volta

» Senda panorámica Vigo

Esta ruta natural rodea toda a cidade polos seus montes.
O sendeiro discorre ao longo de 40 quilómetros e é a maior ruta de sendeirismo de Vigo. Dado o seu tamaño, pódese recorrer en 3 fases dunhas 5 horas cada una. Ademais, ao longo do seu percorrido hai numerosos accesos dende os que iniciar traxectos de menor duración.

LONXITUDE:

40km (ida e volta)

DURACIÓN:

15h (ida e volta)

DIFICULTADE:

Media

TIPO:

ida e volta

A Senda Azul, que inclúe a chamada senda do río Lagares, é un tranquilo paseo fluvial que vai desde Vigo ata as súas praias.
A Ruta do Lagares é posible acceder desde numerosas rúas do centro de Vigo e percorrelo en pequenos tramos: a súa lonxitude total ata a Praia de Samil é duns 8 quilómetros.

Unha vez terminado o percorrido xunto ao río, pódese proseguir pola Senda Azul, cuxo trazado inclúe o paseo xunto ao río e continúa polas praias de Vigo. A través deste roteiro, pódense ver pintorescos areais, enmarcados nun enclave natural de gran beleza.

» Senda Azul – Vigo

LONXITUDE:

8km (ida e volta)

DURACIÓN:

15h (ida e volta)

DIFICULTADE:

Media

TIPO:

ida e volta

» Ruta da Auga – Vigo

Este famoso roteiro natural discorre por diversos accesos e vías de servizo do canal que transportaba auga desde o encoro de Eiras, en Fornelos de Montes, ata Vigo.
O último tramo, desde o municipio de Redondela, discorre por unha zona de gran beleza, entre bosques e regatos, e desde ela contémplase boa parte da Ría de Vigo e curiosas perspectivas da Ponte de Rande.

Ao longo deste roteiro entrarás en contacto con belas e variadas especies naturais, e resulta unha actividade de esparexemento ideal para ir con nenos, xa que non ten costas e é un roteiro sinxelo.

LONXITUDE:

8km (ida e volta)

DURACIÓN:

15h (ida e volta)

DIFICULTADE:

Media

TIPO:

ida e volta

NON ESPERES MÁIS…

RESERVA AGORA O TEU BILLETE

O billete para o destino dos teus soños

- +
- -
- +

AVISO IMPORTANTE

SE VAS VIAXAR ÁS ILLAS CÍES OU Á ILLA DE ONS EN SEMANA SANTA E A PARTIR DO 15 DE MAIO (EXCEPTO CAMPISTAS), antes da compra do billete, debes obter a autorización solicitada pola Xunta de Galicia, na que che facilitarán o código pre-reserva (necesario para adquirir o billete do barco).

Tamén podes desfrutar de...