EQUIPO HUMANO

» O noso equipo

 

O principal activo de Mar de Ons é o persoal que forma parte da empresa. O seu compromiso e dedicación diaria é a clave para ofrecer o mellor servizo.

O noso equipo humano está formado pola tripulación dos buques (capitáns, oficiais, mariñeiros, auxiliares de navegación …) e o persoal de terra, integrado polos departamentos de atención ao cliente, administración, vendas, recursos humanos, contabilidade, explotación e comercialización, entre outros. A sensación de pertenza a este grupo, a experiencia e o traballo en equipo foron ata o de agora os motores que impulsaron o desenvolvemento de proxectos innovadores e permitiron a incorporación de novos barcos e a apertura de novas liñas con éxito.

As nosas tripulacións contan cunha ampla formación en embarcacións de navegación e pasaxeiros, ademais de anos de experiencia no sector turístico, acollendo con profesionalidade o pasaxeiro e ofrecéndolle o mellor trato para facer inesquecible a súa estancia a bordo.